Dr. Yogesh D. Wankhede: Psychologist, Counsellor, Behavioral Trainer

 Dr. Yogesh D. Wankhede: Psychologist, Counsellor, Behavioral Trainer

 

डॉ. योगेश देविदास वानखेडे

(मानसशास्‍त्रज्ञ, समुपदेशक व प्रशिक्षक)

शिक्षण : Ph.D, M.Phil., M.A. Psychology, SET, B.Ed., A.D.C.A.

मागील 30 वर्षांपासून मानसशास्र या विषयाचे अध्यापन.

            सध्या नाशिक येथील महात्‍मा गांधी विद्यामंदिर संस्‍थेच्‍या लोकनेते व्‍यंकटराव हिरे स्‍वायत्‍त महाविद्यालयातील मानसशास्‍त्र विभागात कार्यरत. तसेच स्‍वायत्‍त महाविद्यालयाच्‍या अभ्‍यासमंडळाचे सदस्‍य आहेत.

            मानसशास्‍त्रीय समुपदेशन व प्रशिक्षण सेवा देणा-या ‘माईंडसर्च कौन्‍सेलिंग’ या संस्‍थेचे ते संचालक आहेत. या माध्‍यमातून करिअर व शैक्षणिक कौन्‍सेलिंग, मानसशास्‍त्रीय चाचण्‍यांचे उपयोजन, शैक्षणिक कौशल्‍ये, विवाहपूर्व व वैवाहिक समुपदेशन, पालकत्‍त्‍व, औद्योगिक समुपदेशन व प्रशिक्षण, सॉफ्ट स्‍कील्‍स प्रशिक्षण अशा विविध उपक्रमांचे आयोजन केलेले आहे. औद्योगिक क्षेत्रातील विविध प्रशिक्षण कार्यक्रमांमध्‍ये प्रशिक्षक म्‍हणून योगदान दिलेले आहे.

2007 पासून माईंडसर्च कौन्सेलिंग या स्‍वत:च्‍या संस्थेद्वारे विद्यार्थ्यांना करिअर कौन्‍सेलिंग व गायडन्स ही विशेष सेवा देत आहे. यामध्ये आय.क्यु. टेस्‍ट, ॲप्टिट्युड टेस्ट, पर्सनॅलिटी टेस्ट, करिअर इंटरेस्‍ट टेस्‍ट इत्यादी मानसशास्‍त्रीय चाचण्‍यांच्‍या द्वारे विद्यार्थ्‍यांना आपल्‍या उपजत क्षमता व गुणवैशिष्‍ट्यांना अनुकूल करिअर निवडण्‍यासाठी मार्गदर्शन केले जाते. याच माध्‍यमतातून अनेक शाळा, शैक्षणिक संस्‍था, कोचिंग क्‍लासेस, सामाजिक संस्‍था यांच्‍या समवेत ॲप्टिट्युड टेस्ट, करिअर गायडन्स, पॅरेंटींग या विषयांवर उपक्रम घेतले आहेत.

अनेक औद्योगिक संस्थांमध्ये कार्यप्रेरणा, कार्यसमाधान, वर्क-लाईफ बॅलन्स, स्ट्रेस मॅनेजमेंट, सॉफ्ट स्कील्स यावर आधारित कर्मचारी प्रशिक्षण कार्यक्रम दिले आहेत.

मुंबईच्या टाटा इन्स्टिट्युट ऑफ सोशल सायन्सेस (TISS) यांचेकरिता नाशिक जिल्ह्यातील ग्रामीण हॉस्पिटल्समध्ये कौन्सेलिंग सुपरवायजर म्हणून सेवा दिलेली आहे.

ज्ञानप्रसाराच्‍या उद्देशाने स्‍थापन झालेल्‍या ‘संयोग पब्लिकेशन’ या शैक्षणिक प्रकाशन संस्‍थेचे संचालक आहेत. या माध्‍यमातून त्‍यांनी अनेक संदर्भ पुस्‍तके, क्रमीक पुस्‍तके, अध्‍ययन साहित्‍य व माहितीपूर्ण वाचनिय पुस्‍तकांच्‍या निर्मितीमध्‍ये योगदान दिलेले आहे.

आय.आय.टी. खरगपूर ही प्रतिष्ठित संस्‍था व स्‍वयंम-एन.पी.टी.एल. पोर्टल यांचा इमोशनल इंटेलिजन्‍स हा कोर्स त्‍यांनी यशस्‍वीरित्‍या पूर्ण करून त्‍यामध्‍ये ऑल इंडिया टॉपर रँक प्राप्‍त केली आहे. 

विविध शैक्षणिक परिषदा, प्रशिक्षण कार्यक्रम, चर्चासत्रे, कार्यशाळांमध्‍ये सक्रिय सहभाग दिलेला आहे. ‘मराठी मानसशास्‍त्र परिषद’ या मानसशास्‍त्राच्‍या शिखर संस्‍थेच्‍या उपाध्‍यक्षपदी डिसेंबर 2025 मध्‍ये त्‍यांची नेमणूक झालेली आहे. कोरोना काळातील समुपदेशन सेवेकरिता ‘समाजभुषण’ पुरस्‍कार प्राप्‍त. रोटरी क्‍लब ऑफ नाशिक यांचेकडून ‘नेशन बिल्‍डर अवार्ड’ हा पुरस्‍कार त्‍यांना सप्‍टेंबर 2026 मध्‍ये प्राप्‍त झाला आहे.

Amar M Thombare Shabda Sanwad features

 

प्रा.अमर ठोंबरे - शब्दसंवाद फीचर्स

शब्दसंवाद फीचर्सबद्दल थोडी माहिती -

शब्दसंवाद हे माध्यम समाज माध्यम आहे. सामाजिक ,शैक्षणिक, सांस्कृतिक, क्षेत्रात काम करणारे, आणि  याव्यतिरिक्त केवळ पोटापुरती रोजी रोटी कमावणारे, निरक्षर असूनही साक्षर असणाऱ्याना धडे देणारे अशा अनेक व्यक्तीचा जीवनपट हे माध्यम मूर्त रूपाने उभे करणार आहे.

मागील काही वर्षंपासून वेगवेगळ्या माध्यमातून सामजिक, अध्यात्मिक , सांस्कृतिक क्षेत्रात शब्दसंवाद कार्यरत आहे. अनेक माणसांची ओळख यातून झाली आहे. आपणही आपल्या परिसरातील अशी काही माणसे असतील तुमच्या पाहण्यात असतील तर जरूर कळवा.

ज्ञान, माहिती आणि मनोरंजनाचा डोळे विस्फारून टाकणारा अफाट पसारा आपण रोजच पाहतो आहोत. शेकडोच्या संख्येने असणाऱ्या वृत्त वाहिन्या, ज्ञान, विज्ञानाची माहिती देणारी गुगलसारखे माहितीचे मायाजाल मती गुंग करून टाकणारे आहे. परंतु असे असूनही अनेकदा आपण आपल्याला हव्या असणाऱ्या परंतु माहितीच्या मायाजालात न सापडणाऱ्या अनेक गोष्टीपासून दुरावलेले असतो.खरंतर लहानपनापासून आपण जी माणसे पाहिलेली असतात, त्यांना आपण चांगले पारखलेले असते पण ती सामान्य असूनही त्यांचे असामान्यपण सहजी लक्षात येत नाही. जेव्हा कधी आपण जगरहाटीच्या, व्यवहाराच्या कोरड्या पण आवश्यक असणाऱ्या बाजाराचा एक भाग बनतो तेव्हा आपण मोठे झालेले असतो.इतरांचा आणि या आपल्या माणसांचा फरक आपल्या चौकस मनाला समजल्याशिवाय राहत नाही. ही माणसे आपल्याला मोठे करून मावळतीला निघालेली असतात. आपला भवताल समृद्ध करतात. जगण्याची ऊर्जा आणि जीवनाला नवा आयाम देतात. ही माणसे नसतात कुणी लेबल लावलेली मोठी माणसं, नसतात कवी आणि लेखक, नसतात कुणी सेलिब्रेटी आणि नायक. जे काही असतात ते त्यांच्या मर्यादित जीवनात जगणारे, कोणतेही  तत्वज्ञान न सांगणारे ना कोणत्या विचारांचा काथ्याकूट करून दुसर्याच्या माथी  मारणारे, स्वतः ला विद्वान वगैरे समजणारे, ना एखाद्या इझम मध्ये पडणारे. म्हणूनच ही माणसे कधी समाजातील रुळलेल्या प्रसार माध्यमातून कुणाला दिसत नाही. आणि नाही कुणा माध्यमांच्या नजरा या लोकांकडे वळत.पण ही माणसे असतात मात्र मोठी,  इतरांच्या जीवनाला अन जगण्याला नवा आयाम देणारी! 

समाज्याच्या सर्व स्तरात ही मंडळी वावरताना दिसतात. प्रसिद्धी  पराङ्मुख असतात एवढे फारतर त्यांच्या बाबतीत म्हणता येईल .पण हीच माणसे असतात एखादया कथा, कादंबरीचा विषय, त्यांच्या व्यक्तित्वातुन साकारू शकतात भविष्यातले गगन भरारी मारणारे नवोदित पंख! 

या सर्व ज्ञात अज्ञात  माणसांचा धांडोळा घेणारे आहे, शब्द संवाद फीचर्स त्यांचे चांगले गुण समाजासमोर आणणार आहे.

प्रा.अमर ठोंबरे :

शिक्षण - एम ए बी एड, (पीएच. डी. ) संशोधन कार्य सुरू (मुंबई विद्यापीठ) 

मराठी हा विषय घेऊन सन 2000 साली एम.ए.पूर्ण. तसेच शिक्षणशास्त्र पदवी प्राप्त. मुंबई विद्यापीठातून संत निवृत्तीनाथ महाराज यांच्या समग्र वाङ्मयाचा चिकित्सक  अभ्यास हा प्रबन्ध विषय घेऊन पीएचडी संशोधन कार्य सुरू आहे.

कार्यक्षेत्र - मागील 20 वर्षपासून  सातत्याने वर्तमानपत्रात कधी बातमीदारी तर कधी स्तंभलेखन केले आहे. दैनिक गावकरी मध्ये कानोसा नावाचे सदर काही काळ चालविले. राजकीय, सामाजिक  व आध्यात्मिक स्वरूपाचे लेखन आजही सुरूच आहे.

प्रकाशित साहित्य- वारकरी गौरव ग्रंथ, प्रथम व द्वितीय  आवृत्ती. 

जत्रेतील पुढारी, कुस्ती, शेवंता ह्या ग्रामीण कथा स्थानिक वर्तमानपत्रात  प्रसिद्ध

तसेच ' घुंगरू कडाडलं' या चित्रपटाचे पटकथा तथा संवाद लेखन (अप्रकाशित)

श्रीमंत सौभाग्यवती या नाटकाचे लेखन (अप्रकाशित) 

संचालक - शब्दसंवाद फीचर्स 

शैक्षणिक - पत्रकारितेसोबत अध्यापन क्षेत्रांतही मागील 10 वर्षपासून कार्यरत आहे. पुणे विद्यार्थी गृह या नामांकित संस्थेत वरिष्ठ अधिव्याख्याता म्हणून 7 वर्ष काम.

सांस्कृतिक कार्यकर्मात सहभाग तसेच नाशिक येथील क्रांतिवीर वसंतराव नाईक महाविद्यालयात पार पडलेल्या राज्यस्तरीय वक्तृत्व स्पर्धेत मुख्य परीक्षक म्हणून निमंत्रित. यांबरोबरच काव्य वाचन, गायन, यात सहभाग व विशेष आवड,

संत तुकाराम व वर्तमान जीवन हा व्याख्यान विषय .मागील काही वर्षपासून विविध महाविद्यालयात या विषयावर निरूपण.

याशिवाय लोककलेतील बहुरूपी, या कलावंतावर विशेष लेखन प्रसिद्ध.

संत निवृत्तीनाथ संस्थान त्र्यंबकेश्वर येथे काही वर्षे प्रसिद्धी प्रमुख म्हणून काम केले आहे. हे करत असताना वारकरी चळवळ उभी केली. दारूबंदी, व्यसनमुक्ती साठी विशेष आंदोलन करून सरकारचे लक्ष वेधले.

वारकरी महामंडळ महाराष्ट्र राज्य संघटनेच्या नाशिक शाखेचे जिल्हा सचिव म्हणून सध्या कार्यरत आहे.

शब्द संवाद फीचर्स चे प्रकाशित झालेले काही लेख :

संपर्क :

प्रा. अमर ठोंबरे (शब्द संवाद फीचर्स)

9325527180

8080590070

Ajay V Shahane Chintamani Commerce Academy

 

चिंतामणी कॉमर्स अकॅडमि

कॉमर्स अर्थात वाणिज्य या विद्याशाखेत शिक्षण घेऊन विद्यार्थ्यांना करिअरच्या अनेक उच्चप्रतिष्ठित नोकरीच्या व व्यवसायाच्या संधी उपलब्ध आहेत. फक्त गरज असते विद्यार्थ्यांमधील अशा वेगवेगळ्या करिअरशी निगडीत क्षमता, पात्रता ओळखून त्याअनुरूप त्यांना योग्य त्या संधींबद्दलचे मार्गदर्शन व प्रशिक्षणाची! हाच ध्यास घेऊन श्री. अजय शहाणे यांनी 2004 मध्ये इंदिरानगर, नाशिक येथे ‘चिंतामणी कॉमर्स अकॅडमी’ ही संस्था स्थापन करून विद्यार्थ्यांना कॉमर्स क्षेत्रात उच्च करिअर प्राप्त करून देण्यासाठी कॉमर्सच्या विविध वर्गांचे, कोर्सेसचे व विषयांचे प्रशिक्षण अर्थात कोचिंग देण्यास सुरूवात केली. विद्यार्थ्यांना येथे केवळ सैध्दांतिक नव्हे तर उपयोजित, व्यावहारिक प्रकारचे देखील मार्गदर्शन दिले जाते. चिंतामणी कॉमर्स ॲकडमी मधील तज्ञ शिक्षक - प्रशिक्षक विद्यार्थ्यांना योग्य दिशा देण्यासाठी, उच्च गुणवत्ता व उच्च ध्येय प्राप्त करण्यासाठी सातत्याने प्रेरणा व प्रोत्साहन देत असतात.

11 वी ते एम.कॉम. पर्यंतच्या कॉमर्स शाखेच्या सर्व विषयांचे कोचिंग येथे केले जाते. त्यासोबतच सी.ए., सी.एस. यासारख्या परीक्षांचेही कोचिंग येथे दिले जाते.

स्थापनेपासून ते आजपर्यंत कॉमर्स विद्याशाखेत अनेक गुणवंत विद्यार्थी या संस्थेने घडविले आहेत. येथून शिक्षण घेऊन असंख्य विद्यार्थी वेगवेगळ्या कार्यक्षेत्रात यशस्वीपणे कार्यरत आहेत.

Chintamani Commerce Academy  (CCA)

The journey of CCA, Chintamani Commerce Academy started in 2004 and serving their best. In the first year itself two students of Std 12^th were merit list holders and since then CCA has continued with outstanding results till the date.

CCA is the excellent educational institute in Indiranagar, Nashik  which focuses on providing best education in commerce. CCA is having dedicated faculty who are well equipped with theoretical as well as practical knowledge of commerce and who understands the potential of each and every student and guides them accordingly. The teachers are well experienced to guide the students in right direction and encourage them to give their best in studies and achieve the goal.

·        Key Features of CCA

1.    Expert Facility

2.    Personal  Attention

3.    Concept Clearance

4.    Limited Students in a batch

5.    Weekly Tests

6.    Revision and Paper Solving

 Address :

Shop No. 2, Krishna Rang Apartment, Atmavishwas Society, Near Charwak Chowk, Indira Nagar, Nashik-9

Mob. : 9922339911 

शब्दांकन :

डॉ. योगेश वानखेडे

Director :

Visit My Page : Concept of Sanyog Publication

Mindsearch Counseling